Neymar, si një ndeshje

Gëzimi nga ardhja e super talentit brazilian në Barcelonë, Neymar, ka arritur të mbledhë mbi 55 mijë tifozë katalonas në stadiumin Camp Nou dje. 

Sipas raportimit të Football Espana, arritja e yllit të Santosit në Barcelonë ka arritur të mbledhë 56 mijë e 500 tifozë në stadium, numër ky që mund të krahasohet me një ndeshje futbolli në La Liga të Barcelonës. 

“Barcelona është më shumë se një klub dhe mund të them se tash e kuptova këtë. Dua t’i ndihmojë ekipit dhe jam duke e jetuar ëndrrën. Dua t’i ndihmojë Messit që të vazhdojë të jetë lojtari më i mirë në botë,” kanë qenë disa nga fjalët e Neymarit që ka thënë në stadium para të gjithë këtyre adhuruesve.