FIFA RANKING - JUNE 2018
BOROZANI/G.P.
Ngritje rekorde e Kosovës
7 June, 2018 @15:41
Kosova është ngritur për 11 pozita në renditjen e re të publikuar të FIFAs, sot.
Përfaqësuesja e Kosovës ka arritur rekord ngritjen e saj prej se është anëtare e FIFAs, pasi që tashmë ka kapur pozitën 141.
Kjo ngritje e Kosovës vjen pas fitores ndaj Shqipërisë në miqësoren e zhvilluar në fund të muajit maj, 3-0.
Pasi që prej javës që vjen nis Botërori “Rusia 2018” Kosova do të mund të bie në vazhdim në renditje, deri kah shtatori i këtij viti, kur nis Liga e Kombeve.
Përballja e parë zyrtare e Kosovës pas miqësores ndaj Shqipërisë do të jetë ndaj Azerbejxhanit më 7 shtator në ora 18:00 në Baku. Tre ditë pas kësaj ndeshjeje, do të pret Ishujt Faroe, ndërsa lokacioni i zhvillimit të ndeshjes nuk është konfirmuar ende.
Të gjithë shpresojnë të luhet në Prishtinë. E si opcion rezervë do të jetë Shkodra.
