Përfitimet në Europa League

Europa League ka buxhet dukshëm më të paktë sesa Liga e Kampionëve. Mirëpo, për ekipet që nuk bëjnë pjesë në ato të niveleve shumë të larta, përfitimet në këtë garë janë të mirëseardhura kryesisht për ekipet nga pjesa Lindore e Europës.

Në Europa League do të ndahen vetëm 560 milionë euro për sezon në tri sezonet e ardhshme.

- 25% - 140 milionë shkojnë për pjesëmarrësit,
- 30% - 168 milionë për paraqitje,
- 15% - 84 milionë në bazë të koeficientit dhjetëvjeçar,
- 30% - 168 milionë në bazë të tregut,

Për secilin nga 48 ekipet pjesëmarrëse ndahen 2.92 milionë euro. Fitorja shpërblehet me 570 mijë, barazimi me 190 mijë. Fituesi i grupit merr një bonus prej 1 milion eurosh, ndërsa i dyti 500 mijë euro.

Kualifikimet në fazën eliminuese shpërblehen:

- 1/16 e finales – 500 mijë euro për ekip,
- 1/8 e finales – 1.1 milionë euro për ekip,
- Çerekfinalja – 1.5 milionë euro për ekip,
- Gjysmëfinalja – 2.4 milionë euro për ekip,
- Finalja – 4.5 milionë për ekip,
- Fituesi merr edhe 4 milionë euro shtesë, pos finales.

Në bazë të koeficientit, ekipi i fundit merr 71.430 euro, duke ngritur për këtë shumë deri tek kampioni i cili në total merr 3.42 milion euro.

Shuma prej 168 milionëve ndahet të tregut ndahet në dy pjesë – njëra në bazë proporcionale, tjetra në bazë të suksesit në Europa League.

Proporcionalisht sipas tregut, fituesit e kupës marrin më së shumti para. Federata që ka pesë ekipe, fituesi i kupës merr 30%, e katër ekipet tjera ndajnë nga 17.5%. Fituesit e kupës së federatave me katër ekipe në Europa League merr 40% të shumës që i shkon asaj federate, me tri ekipet tjera që ndajnë nga 20%. Nga 30% ndajnë dy ekipet tjera, krahas fituesit të kupës i cili merr 40%, nga federatat që përfaqësohen me tri ekipe. Dy ekipe nga një vend ndajnë 60%-40%, e ekipet të vetme marrin 100%.

Ekipet e eliminuara në kualifikimet për Ligën e Kampionëve, e që kanë qenë edhe fitues të kupës së vendit përkatës krahas titullit të kampionit, do të konsiderohen si fitues të kupës në Europa League, sipas këtij plani.

Derisa pjesa e parë ndahet për të gjithë pjesëmarrësit, edhe ata që janë eliminuar në kualifikime. Pjesa tjetër, 84 milion do të ndahet në bazë të suksesit që kanë vetëm ekipet që kualifikohen në grupe.

Pjesëmarrësit në:

- 40% për grupet – 33.6 milionë,
- 20% për 1/16 e finales – 16.8 milionë,
- 16% për 1/8 e finales – 13.4 milionë,
- 12% për çerekfinalet – 10.1 milionë,
- 8% për gjysmëfinalet – 6.7 milionë,
- 4% për finalet – 3.4 milionë.

Sipas një matematike bazike, kualifikimi në grupe do të sillte pak më shumë se 3 milionë euro në FC Prishtina.