Suspendohet edhe Buffon

UEFA ka suspenduar edhe portierin italian, Gianluigi Buffon.

Pas komenteve lidhur me referimin në përballjen ndërmjet Juventusit dhe Real Madridit, UEFA ka suspenduar portierin Buffon me tre ndeshje moslojë në garat evropiane.

Buffon, që zhvilloi lojën e fundit me Juventusin në muajin e kaluar pas 17 viteve të kaluara te bianconerët kishte thënë se referi Michael Oliver do të duhej të ulej në tribuna dhe të hante çipsa gjatë ndeshjes, e jo të referonte.

Më pas, në televizionin italian, Buffon ka përsëritur deklaratën e tij.

“Përmbajtja e komenteve të mija mbetet e njejtë. Nuk tërhiqem nga fjalët, do t’i them edhe njëherë të gjitha - por ndoshta në një mënyrë tjetër gjuhësore,” kishte komentuar portieri legjendar italian deklaratën e vetë, të dhënë pas ndeshjes.

Referi Oliver kishte dhënë penallti në minutat shtesë të ndeshjes për Real Madridin, prej ku erdhi goli që eliminoi Juventusin nga Liga e Kampionëve.