EMRI I STADIUMIT
BOROZANI/ Lis Dorambari
Nikli dhe ‘89-shi për “Fadil Vokrri”-n
26 January, 2017 @16:22
Ideja për ta emërtuar stadiumin që do të shfrytëzohet nga përfaqësuesja e Kosovës me emrin e Fadil Vokrrit është përkrahur së fundi edhe nga dy fuqitë e mëdha të Superligës, Feronikeli dhe Trepça ‘89.
Të dyja këto skuadra kanë dalë me komunikata duke bërë të ditur se janë pro emërtimit të stadiumit me emrin e kryetarit aktual të FFK-së.
Emri për stadiumin është për temë aktuale në kohët e fundit, ndërsa si propozim tjetër është përmendur edhe si emërtimi i stadiumit “Dardania”.
Dje, edhe kryetrajneri i Llapit, Tahir Batatina, ishte deklaruar publikisht që e përkrah idenë për ta quajtur stadiumin me emrin e Fadil Vokrrit.
