CHRISTIAN PULISIC
Një Hazard i ri
22 May, 2019 @0:16
Futbollisti i ri i Chelseat, që u ble në vitin e kaluar dhe arriti sot si zyrtarizim te ekipi londinez, Christian Pulisic, shpreson të bëhet si Eden Hazard në Stamford Bridge.
Pulisic që erdhi për rreth 65 milionë euro te Chelsea nga Borussia Dortmund ka thënë se dëshiron të bëhet më i dalluari në ekip dhe më i pëlqyeri te tifozët e ekipit - si Hazard.
Amerikani 20 vjeç në një intervistë për BBC-në ka thënë se është e pashpjegueshme krejt çka mund të bëj Eden me top.
“E paimagjinueshme është ajo çka bën ai. Ai është njeri të cilin ia vlen ta përcjellësh dhe do të dëshirosh të bëhesh si ai. Ai është synim. Çdo lojtar do të dëshironte të luante me topin sikurse ai,” ka thënë ndër të tjera Pulisic.
