Arsenal konfirmon, Mkhitaryan s’udhëton për Baku

Me një komunikatë të lëshuar në faqen zyrtare të klubit, Arsenal ka bërë të ditur se mesfushori armen i ekipit, Henrikh Mkhitaryan nuk do të jetë pjesë e ekipit.

“Jemi të zhgënjyer shumë, por Micki nuk do të jetë pjesë e ekipit tonë, pasi që diskutuam me te dhe familjen e tij, duke vendosur për mosudhëtimin e tij,” ka shkruar komunikata e klubit londinez, që është pjesë e finales së Europa League, në ndeshjen që do të luajë ndaj Chelseat aty.

“I kemi shkruar edhe UEFAs duke bërë të ditur se jemi të brengosur për situatën duke pasur parasysh se Micki është njëri ndër lojtarët kyq të skuadrës dhe do të jetë humbje e madhe në aspektin ekipor,” shkruan më tej aty.

Për shkak të telasheve të mëdha politike që kanë Azerbejxhani (ku zhvillohet finalja) dhe Armenia (prej nga është futbollisti), udhëtimi i këtyre të fundit aty nuk garanton siguri për lojtarin.

Arsenal luan në finale të Europa League ndaj Chelseat, më 29 maj në Baku.