Dy herë njëjtë, çuan titullin poshtë

Prishtinës assesi nuk po i ec në ndeshjet e fundit të stinorit, edhe pse titullin e kampionit e kishin në duar të tyre - dy herë radhazi.

Por, asnjëherë ta kapin atë.

Në stinorin e kaluar, si vendas në Shahin Haxhiislami të Pejës, bardhekaltërit nga kryeqyteti duhej të fitonin Dritën me dy gola dallim për tu bërë kampion të Kosovës.

Nuk sulmuan mjaft dhe me barazim 0-0 Drita u bë kampione që kishte dy pikë më shumë sesa Prishtina.

Njëjtë edhe këtë stinor, natyrisht me trajnerin e njëjtë, Mirel Josën.

Prishtina duhej të fitonte kësaj radhe në Rexhep Rexhepi të Drenasit për tu bërë kampion.

Ndeshjen e përfunduan me vetëm një goditje konkrete në portë, e Feronikeli fitoi ndeshjen 1-0 për tu bërë kampion.

Kështu, Prishtina që gjatë stinorit po ndjek me gjithë intensitet titullin, në ndeshjet e fundit po dështon, duke luajtur tepër kujdesshëm, aq tepër sa që s’po ka lojë në fushë në ndeshjet e fundit.

E Prishtina si skuadra më e trofeshme e futbollit kosovar tashmë është duke e përjetuar agoninë më të madhe sa i përket titullit kampion.

Asnjëherë më shumë prishtinasit nuk kanë pritur për një titull të kampionit. Tashmë janë bërë gjashtë vite, gjashtë stinorë, që Prishtina nuk ka fituar titullin kampion - rekord negativ ky, që asnjëherë s’ka ndodhur në histori të klubit, prej pavarësimit të futbollit të Kosovës.