ONIX - VUSHTRRIA
Festa e kampionit, kryhet me fitore
19 May, 2019 @18:54
Vushtrria titullin e kampionit të Ligës së Parë dhe inkuadrimin në Superligë e festoi me fitore, kur në pjesë të dytë të ndeshjes, Dior Zabërxha (60’) shënoi për 1-0.
Vushtrria mposhti Onixin në një atmosferë fantastike në Ferki Aliu sot, ku gjithçka ishte në festë, derisa rezultati nuk qe me rëndësi për asnjërën skuadër.
E kjo ndeshje është dashur të luhej në stadium të Onixit, ku Onixi është vendas e Vushtrira mysafire.
Por në Kosovë gjithçka ndodh. Vushtrria kërkoi nga FFK që t’ua lejonte ndeshjen ta luajnë para tifozëve të vetë, për të festuar krejt qyteti - e FFK ua lejoi ndërrimin e çiftit të xhiros - të paparë në një vend tjetër të UEFA-së ende!!!
Për fund, Vushtrria është treguar më e mira nga të gjitha skuarat tjera të Ligës së Parë këtë stinor dhe me Samuel Nikajn trajner - kanë arritur të kthehen në elitë, me distancë bindëse karshi skuadrave tjera.
