Nuk e harroi

Ylli 22 vjeçar i Bayern Munchenit, Mario Götze, që shënoi golin e fitores së Gjermanisë në Kupë të Botës mbrëmë ndaj Argjentinës në finale - përkundër festës së madhe nuk ka harruar bashkëlojtarin e përfaqësueses që në momentet e fundit nuk arriti të sigurojë Botërorin për shkak të lëndimit. 

Ai menjëherë pas festës në fushë morri fanellën e ish bashkëlojtarit të tij nga Borussia Dortmund, Marco Reus, për t’i treguar atij se nuk është harruar nga ekspedita gjermane në Brazil. 

Reus, i cili u lëndua pak ditë para nisjes për Brazil u zëvendësua nga shqiptari, Shkodran Mustafi.