ZYRTARE
Foto: Drita FC - Facebook
Nuk ndalen përforcimet e Dritës
23 August, 2018 @11:46
Kampionja në fuqi e Kosovës dhe fituesja e Superkupës, Drita nga Gjilani, ka zyrtarizuar edhe një përforcim.
Ricardo Verza De Souza nga Brazili është përforcimi i fundit i skuadrës gjilanase, lojtar ky që luan në rolin e sulmuesit dhe te Drita vjen si i huazuar për një vit nga skuadra Goias EC.
Me këtë përforcim dhe përforcimet e tjera të zyrtarizuara më parë, skuadra në fjalë synon mbrojtjen e titullit kampion.
Sezonin e ri Drita e filloi me fitore 5-0 ndaj KEK-ut, derisa në ndeshjen e dytë luan ndaj Flamurtarit, përsëri në shtëpi.
