BrightON triumfon ndaj Unitedit

Skuadra e Brightonit ka shënuar fitoren e parë të stinorit me stil, para shikuesve të vetë ndaj ekipit të Manchester Unitedit, duke i mposhtur 3-2.

Tre gola të shënuara të Brightonit në pjesë të parë të ndeshjes kanë qenë vrasëse për Unitedin e Jose Mourinhos, që nuk arriti të kthehet në lojë përgjatë pjesës së dytë.

TABELA AKTUALE

Starti jo i mirë i Manchester Unitedit u shfrytëzua maksimalisht nga vendasit, kur Glen Murray dhe Shane Duffy shënuan shpejt për 2-0. Më pas, para fundit të pjesës së parë, ku Romelu Lukaku kishte bërë 2-1, ka qenë Pascal Gross që shënoi për 3-1.

Deri në fund të ndeshjes, United vetëm ka arritur të shënojë nga penalltia e Paul Pogbas në minutat shtesë të takimit, për përfundimtaren 3-2.

Derisa Brighton udhëton në Anfield Road xhiron tjetër, United do të ketë punë të vështirë ndaj Tottenhamit fluturues në Old Trafford.