SASSUOLO - INTER
Fillim i vështirë për Interin
19 August, 2018 @22:41
Interi ka nisur stinorin e ri në Serie A me humbje. Ekipi neroazzur që me përforcimet e bëra po konisderohet si njëri ndër kandidatët për titull në Itali, ka dalë kokëulur nga udhëtimi në Sassuolo.
Vendasit shënuan përmes sulmuesit të tyre më të mirë, Domenico Berardi, që u tregua i saktë nga penalltia, përkundër se Samir Handanovic preku pak topin, për 1-0.
Interit nuk i munguan rastet, edhe shtyllat në lojë, por goli nuk erdhi assesi. Pas shtyllave, rast më të mirë pati Matias Vecino kur goditi me kokë, por portieri Andrea Consigli u tregua i vëmendshëm.
Në fund, Sassuolo merr tre pikë në përballjen e parë të stinorit, derisa Inter pikët e para të stinorit duhet t’i kërkojë diku tjetër.
