DRITA - FERIZAJ
Nwabueze vendos, kampioni vazhdon fitoret
9 March, 2019 @15:26
Pas fitoreve ndaj Ballkanit dhe KEK-ut, skuadra e Ferizajit u mposht sot nda skuadra e Dritës në Gjilan.
Kampiones së Kosovës i mjaftoi një gol i shënuar në pjesën e parë që ta arrijë ta fitojë duelin e sotëm, për ta shënuar kështu fitoren e tretë me radhë në pranverë.
Golashënuesi i vetëm i takimit ishte Kyrian Nwabueze, i cili shënoi në minutën e 14’, për t’ia dhënë fitoren skuadrës së tij dhe për ta ngritur në 4 numrin e golave personale në Superligë sivjet.
Kujtojmë që kjo është ndeshja e fundit e ciklit të dytë të sezonit 2018/2019 të Superligës, derisa 11 xhirot e ciklit të fundit do të përcaktohen sipas sistemit të Bergerit.