MAURO ICARDI
Foto: FCInter/fb
A do të kthehet në stërvitje?
8 March, 2019 @18:06
Sulmuesi argjentinas i Interit, Mauro Icardi, ende nuk është duke u stërvitur me skuadrën.
Mediat përfolën se Icardi do të mund t’i kthehej skuadrës sot, por kjo nuk ndodhi.
Gazzetta dello Sport ka bërë të ditur se Icardi vazhdon të merr trajtim fizioterapik jashtë skuadrës, ndërsa brenda këtyre ditëve do të mbajë “bisedime miqësore” me drejtuesit e skuadrës për t’iu kthyer ekipit.
Icardit javë më parë iu mor shiriti i kapitenit, pasi që refuzoi të vazhdojë kontratën me Interin. Icardi po kërkon rrogë prej 9 milionë eurove në vjet për të vazhduar me neroazzurrët.
Por, prej se iu hoq kapitenllëku dhe nuk ishte pjesë e ekipit, Interi ka treguar formë të mirë në të gjitha garat.
