Më të fortit fitojnë

Ekipet që llogariten favorite të stinorit në Europa Ligë, Chelsea dhe Napoli, kanë shënuar fitore bindëse në përballjet e para të së tetës së fianles së garës.

Chelsea ka mposhtur Dynamo Kievin 3-0, sikurse edhe Napoli Salzburgun. Te Napoli për 90 minuta luajti Elseid Hysaj, që pritet të kalojë në çerekfinale me ekipin e tij.

Befasia e natës u bë nga Rennes. Francezët mposhtën Arsenalin 3-1. Ndërsa rezultat të këndshëm ka marrë edhe Dinamo Zagreb, që ka fituar në Maksimir ndaj Benficës, 1-0. Amir Rrahmani ka qenë në bankën rezervë të ekipit të tij përgjatë 90 minutave në këtë ndeshje.

Eintracht Frankfurt ndali Interin në 0-0. Interi kishte super rast me Marcelo Brozovicin, që pa penalltinë e tij të mbrojtur nga Kevin Trapp. Ndërsa më vonë Frankfurtit goli iu anulua.

Në duelet tjera, Sevilla 2-2 Slavia, Zenit 1-3 Villarreal dhe Valencia 2-1 Krasnodar.

Ndeshjet e kthimit zhvillohen të enjten tjetër. Më 14 mars.