Ole kërkon trofeun e parë ndaj specialistit të UEL, Emery

Manchester United sonte do të kërkojë trofeun e parë nën drejtimin e Ole Gunnar Solskjaer.

Djajtë e kuq ndeshen me Villarrealin në finalen e UEFA Europa League sonte, në ndeshjen që fillon prej orës 21:00, ndërsa luhet në Gdansk të Polonisë.

Villarreal drejtohet nga ish-trajneri i Sevillës dhe Arsenalit, Unai Emery, që njihet si specialist i kësaj gare, meqë e ka fituar tri herë përgjatë karrierës së tij këtë garë.

Përndryshe katër takimet e mëhershme mes Manchester Unitedit dhe Villarrealit kanë përfunduar pa gola!

Sa i përket UEFA Europa League, Manchester United ka arritur një herë në finale të garës dhe e ka fituar atë, ndaj Ajaxit në 2016/17. Ndërsa për Villarrealin, kjo do të ishte hera e parë.

FORMACIONET E MUNDSHME:

VILLARREAL: Rulli/Asenjo; Foyth, Albiol, Torres, Pedraza; Pino, Capoue, Parejo, Trigueros: Moreno, Bacca;

MANCHESTER UNITED: De Gea; Wan-Bissaka, Bailly, Lindelöf, Shaw; McTominay, Fred; Rashford, Bruno Fernandes, Pogba; Cavani.