CHAMPIONS LEAGUE
Pa kalkulime
20 November, 2012 @9:38
Celticu sonte luan ndaj Benficës e cila është duke kërkuar çdo mënyrë që të arrij te kualifikimi. Mirëpo, fitorja e fundit ndaj Barcelonës në shtëpi i ka dhënë vetëbesim të madh ekipit të Neil Lennon, të cilët do të fillojnë kalkulimin e gjërave.
E Benfica ka edhe një frikë. Humbja do t’i lë gjithsesi jashtë Ligës së Kampionëve, kështu që ky mund të jetë presioni shtesë me të cilin do të përballen portugezët, që assesi nuk mundën këtë stinor ta transferojnë kontinuitetin e Liga Sagres në Ligën e Kampionëve.
Ndeshja tjetër zhvillohet në Rusi, ku Spartaku pret Barcelonën. E gjendja në tabelë e djelmoshave të udhëhequr nga spanjolli Unai Emery, nuk e tregon performancën fantastike të tyre.
Spartaku udhëhiqte në Camp Nou 1-2, para se të humbte 3-2. Humbën edhe tre ndeshje tjera, mirëpo asnjëherë nuk tregonin shenja të dorëzimit apo të lojës së dobët.
E sonte, rusët do të kenë mungesa si: Sergei Parshivlyuk, Welliton, Diniyar Bilyaletdinov, Romulo, Aiden McGeady, Nicolas Pareja dhe Artem Dzyuba, derisa të tre portierët i ka të lënduar.
ORARI DHE TABELA:
18:00 Spartak – Barcelona
20:45 Benfica – Celtic
1. Barcelona 9p.
2. Celtic 7p.
3. Benfica 4p.
4. Spartak 3p.
