KUKËSI 1-2 PARTIZANI
Partizani fiton derbin ku triumfon fairplay-i
21 February, 2021 @19:07
Në derbin e dy ish-kampionëve të Shqipërisë, Partizani ka fituar përballjen ndaj Kukësit sot të zhvilluar në Elbasan Arena.
Fitorja e të kuqve nga Tirana u konfirmua në minutat e fundit të ndeshjes, kur Valentino Murataj shënoi në portën e Dashamir Xhikës për 0-2, gol ky që u kontestua mjaft nga kukësianët për shkak të mosrespektimit të lojës fair-play pasi që lojtari i tyre i mbrojtjes ra në tokë nga një goditje me top, të cilën e shfrytëzoi Murataj për 0-2.
E pas tensioneve në fushë mes lojtarëve të të dyja skuadrave, Partizani i drejtuar nga Ilir Daja vendosi që t’ia hap portën Kukësit në sulmin e radhës.
Vesel Limaj i Kukësit vendosi përfundimtaren në portën e Alban Hoxhës që s’reagoi për 1-2 [Vesel Limaj 90 - Erald Çinari 63, Valentino Murataj 88].
Fitorja bën Partizanin t’i afrohet në 4 pikë Vllaznisë, pasi që këta barazuan sot 1-1 me Skënderbeun.
Ndërsa Kukësi tashmë i pesti, mbetet 7 pikë larg Teutës që është e katërta dhe me mundësi daljeje në Evropë.
TABELA. pas Xhiros XX:
1. Vllaznia 41p
2. Partizani 37p
3. Laçi 36p
4. Teuta 36p
5. Kukësi 29p
...
10. Apolonia 13p.