MILAN 0-3 INTER
Inter fiton derbin, Milan merr goditjen e radhës
21 February, 2021 @17:03
Pas goditjes së papritur nga Spezia e Ardian Ismajlit në xhiron e kaluar, Milan ka pësuar edhe në derbin e madh ndaj rivalit të përbetuar, Inter.
Inter ka qenë dominues në përballje dhe jashtëzakonisht efektiv para portës, për të fituar Derby della Madonnina 0-3 [Martinez 5’, 57’, Lukaku 66’].
Milan kishte rast për të barazuar me Theo Hernandezin kur rezultati ishte 1-0 ende, por s’arriti. Më pas, fillimi i pjesës së dytë me kontrollë të lojës nga rossonerët derisa Inter duhet t’i falenderojë Samir Handanovicit për mbrojtjet e rasteve të Zlatan Ibrahimovic.
E për statistika interesante prej sot, duhet përmendur që Romelu Lukaku është lojtari i parë i Interit që arrin të shënojë gol në katër derbi të njëpasnjëshme të Milanos që prej kohës së Benito Lorenzit, kur kishte shënuar në 1950!
Fitorja ngrit distancën e liderit Inter prej 1, në 4 pikë ndaj ndjekësit kryesorë në klasifikim - Milanit.
Inter në krye tash ka 53, ndërsa Milan mbetet në 49 pikë.