Partizani i Iulianos, mbetet pa fitore

Derbi i xhiros së dytë të Kategorisë Superiore shqiptare ndërmjet Partizanit dhe Kukësit kampion zhvilluar dje në Tiranë përfundoi pa gola, 0-0.

Mark Iuliano, trajner i Partizanit, edhe pas 2 xhirove të para të Superiores ka mbetur pa fitore, ndërsa të kuqtë e kryeqytetit xhiron që vjen i shkojnë Skënderbeut në Korçë.

Partizani ishte më i mirë në pjesë të dytë të ndeshjes, por tentimet e ekipit nuk rrezikuan shumë seriozisht portën e të mrekullueshmit, Enea Koliçi.

“Jemi të pa fat. Kemi pasur shumë raste, por portierët po bëjnë mrekulli. Dominuam plotësisht, ndërsa rastet e vetme të kundërshtarit erdhën nga gabimet tona. Fitorja do të vjen,” ka thënë Iuliano pas ndeshjes.

Edhe trajneri i Kukësit, Mladen Milinkovic, është shprehur i kënaqur pas ndeshjes me pikën e fituar, ndërsa ka vlerësuar se dy rastet e ekipit të tij janë të mjaftueshme për një derbi të tillë.

“Të dy ekipet u munduan të fitonin. Ne humbëm dy raste të pasta, që në derbi janë shumë,” ka thënë ndër të tjera ai.

Xhiron e radhës, Kukësi pret Laçin në Zeqir Ymeri, ndërsa Partizanin e pret edhe një derbi, tash ndaj Skënderbeut.

Formacionet: