NË PEJË
Besa zyrtarizon Sahit Gashin trajner
18 September, 2017 @12:45
Skuadra e Besës së Pejës ditë më parë u nda me trajnerin që ia nisi stinorit, Valdet Shoshi dhe në vend të tij ka emëruar trajner Sahit Gashin.
Njoftimin e bëri ekipi pak më parë përmes faqes zyrtare në Facebook, ndërsa si ndihmës të Gashit ka emëruar Ekrem Veselin.
Pas 5 xhirove të para, Besa ka shënuar 2 fitore dhe 3 humbje. Fitoret si vendas, humbjet si mysafir.
Xhiron që vjen, Besa pret Lirinë në stadiumin Shahin Haxhiislami të Pejës.
