Partizani rrëzon Teutën nga froni, bënë hapin e madh drejt titullit

Partizani i Tiranës ka shënuar fitore të madhe në Durrës duke e mposhtur Teutën në derbin kryesor të Kategorisë Superiore në Shqipëri.

Të kuqtë nga kryeqyteti fituan me rezultat minimal 0-1, me golin e shënuar nga Eraldo Cinari në minutën 24’.

Partizani me këtë rezultat u ngjit në krye të radhitjes tabelare, me pikë të barabarta (62) sikurse Teuta që mbante fronin deri para kësaj ndeshjeje.

Fitore të rëndësishme shënoi edhe Laçi, i cili e mposhti Tiranën po ashtu me rezultat minimal 0-1, për t’i mbajtur gjallë shpresat për titull kur kanë mbetur edhe dy xhiro para fundit të kampionatit. Ndërkaq për Tiranën ky rezultat do të thotë mbyllja e dyerve për garat evropiane.

Edhe pretendentja tjetër për titull, Vllaznia, shënoi fitore njëgolëshe 0-1, duke e mposhtur një rival më të lehtë siç është Kastrioti, i cili vazhdon të luftojë për të siguruar ekzistencën.

Në xhiron e radhës që është e parafundit, do të luhen dy derbi në mes katër skuadrave pretendente për titull. Lideri Partizani do ta pret në shtëpi Vllazninë, kurse Laçi do ta pret Teutën.

REZULTATET E JAVËS

Tirana - Laçi 0-1
Teuta - Partizani 0-1
Vllaznia - Kastrioti 1-0
Kukësi - Bylis 2-1
Skënderbeu - Apolonia 2-0

TABELA AKTUALE