Prishtina Mabetex kampione e pjesës së rregullt të kampionatit në futsall

Me ndeshjet e zhvilluara në fundjavë, ka përfunduar pjesa e rregullt e kampionatit të Superligës në futsall.

Kampionja aktuale e Kosovës, Prishtina Mabetex, është bërë kampione e pjesës së rregullt të kampionatit, duke e përfunduar këtë fazë në krye të tabelës në Superligë me 43 pikë të tubuara.

Prishtina Mabetex në xhiron e fundit e mposhti rivalen lokale, FC Prishtina 01, me rezultat 1-2.

Gara për titull të kampionit do të vazhdojë me fazën e Play Off-it, ku së bashku me skuadrën Prishtina Mabetex do të garojnë edhe skuadrat FC Liburn, FC Prishtina 01 dhe FC Liqeni.

Nga Superliga është përshëndetur skuadra e fundit në tabelë, FC Letaj.