LIRIA - PRISHTINA

Foto: prishtinafc.com

Pefqeli çon Prishtinën në ‘finalen’ e kampionatit

11 May, 2018 @18:21

Mesfushori Mërgim Pefqeli me golin e tij të shënuar në kohën shtesë të ndeshjes, kur goditi me kokë pas një krosimi nga e djathta për të mposhtur Edvin Bakajn në portën e Lirisë, i ka dhënë Prishtinës biletën e fundit drejt titullit kampion.

Prishtina tash duhet të shënojë fitore në ndeshjen e fundit të stinorit ndaj Dritës me dy gola epërsi për t’u shpallë kampione e Kosovës.

TABELA AKTUALE

Sa i përket ndeshjes së sotme, Prishtina ka pasur një mori rastesh, por asnjëherë lojtarët nuk u treguan të saktë për të shënuar në portën e bardhezinjëve prizrenas, derisa në disa raste edhe portieri Bakaj ështët treguar i vëmendshëm.

Liria vs Prishtina, match action

Sidoqoftë, të gjitha përpjekjet e Prishtinës, bashkë me tifozët e saj që kishin udhëtuar në Prizren, u shpërblyen në fund nga Pefqeli. Goli i tij jehoi pjesën e stadiumit ku ishin adhuruesit e ekipit bardhekaltër, derisa Prishtina hyn në xhiron e fundit me biletën në dorë të vetë.

Fito Dritën me dy gola epërsi dhe bëhu kampion!

Liria vs Prishtina

i:

Java XXXII

Liria – Prishtina 0-1 (0-0)

Golashënues: Mërgim Pefqeli 90’+4

Shikues: 2.000

Gjyqtarë: Genc Nuza (Pr), Fatlum Berisha (FK), Bujar Selimaj (Pz) – Ilir Mehmeti (Ka)

KV: F. Avdyli, A. Likaj – P. Osmani, M. Pefqeli

Pozita jashtë lojës: Lir 0-2 Pri

Kornerët: Lir 3-3 Pri

Gjuajtjet totale: Lir 2-7 Pri

Gjuajtjet në portë: Lir 0-5 Pri

Liria: 31. Edvan Bakaj – 4. Vigan Rexhaj, 17 Florent Avdyli, 29. Elvis Kaja, 44. Endrit Vrapi, 27. Zenel Gavazaj (9. Mevlan Zeka – 60’), 7. Meriton Korenica /c/, 20. Roni Gashi, 16. Artur Magani (34. Abdolaye Toungara – 78’), 19. Arbër Likaj, David Domgjonaj. Kryetrajner: Blendi Shkembi.

Prishtina (4-3-3): 12. Visar Bekaj – 88. Përparim Osmani, 4. Armend Dallku /c/, 6. Debatik Curri, 13. Abdul Bashiru – 20. Shqiprim Taipi (21. Blend Baftiu – 61’), 3. Jamal Arago, 29. Drashko Bozhoviç – 17. Arbër Hoxha (9. Basit Abdul Khalid – 46’), 15. Gauthier Mankenda (77. Mergim Pefqeli – 71’), 27. Ahmed Januzi. Zëvendësues: Alban Muqiqi, Lorik Maxhuni, Agon Xhaka, Ergyn Ahmeti. Kryetrajner: Mirel Josa.