LIRIA
Përfundon stinori për mesfushorin e Lirisë
12 March, 2021 @12:37
Mesfushori i skuadrës së Lirisë, Blendi Memaj, është operuar me sukses.
Memaj është operuar nga ligamentet kryqëzore të gjurit të majtë, derisa u lëndua në ndeshjen e parë pranverore kundër Dukagjinit.
Blendi pas operimit ka thënë:
“Është e vështirë të mos jem në fushë, por më duhet një fazë e rikuperimit.
“Fusha do të më mungojë, shpresoj të kthehem edhe më i fortë”, tha Memaj në faqen zyrtare të Lirisë.
Blendi Memaj është golashënuesi më i mirë te Liria me 7 gola, derisa skuadra prizrenase ka thënë se do të mungojë në pjesën e mbetur të stinorit.
