LYON 0-1 PARIS
Përkundër se s’po e duan, Neymar vendos përsëri
22 September, 2019 @23:43
Tashmë në ndeshjet e fundit të Ligue 1, Paris St Germain, ka shënuar fitore me rezultat minimal.
Në të dyja ndeshjet rezultati 1-0 u vendos në minutat e fundit të takimit dhe njeriu që po i vendos këto ndeshje, është ai që s’po i pëlqen publikut parisien, braziliani Neymar!
Ndaj tij ka pasur brohoritje nga tifozët parisien si në ndeshjen e kaluar, ashtu edhe sonte, por braziliani po flet - me gola dhe me nga tre pikë!
Neymar pas fitores së dhënë Parisit në përballjen e xhiros së kaluar ndaj Strasbourgut në minutën e 90-të, ka kryer punën edhe në derbi ndaj Olympique Lyonit në minutën e 87-të sonte, duke vendosur ndeshjen.
E me golat e tij, Paris St Germain, ka ruajtur lidershipin në Ligue 1, duke qenë 3 pikë mbi ndjekësit e parë, Angers dhe Nice, pas gjashtë xhirove të zhvilluara.