Të gjitha lajmet

ANALIZË: POST AZERBAJXHAN

Pika 1

Fotot: affa.az & ffk-kosova.com

Pika 1

Shkruan: LUAN MORINA

8 September, 2018 @9:56

Pika e parë në Ligën e Kombeve mund të konsiderohet si mision i kryer në Baku. Pritjet ndaj kundërshtarit kryesor në grup ishin të merret një pikë. Megjithatë, nuk duhet nënçmuar as dy ekipet tjera, sidomos Ishujt Faro të cilat shumë lehtë mund të dalin fituese të grupit.

ORARI I NDESHJEVE dhe TABELA

Mendoj që të hënën mund të jetë ndeshja vendimtare për të dyja ekipet. Fituesi në Prishtinë do të mbetet favoriti kryesor për të kaluar tutje, karshi Azerbajxhanit!

Kosovo xi

E kundër Azerbajxhanit, Challandes nisi me një formacion më me përvojë. Kisha hezitime me vijën e mbrojtjes, sidomos me minutat e paktë të Rrahmanit tek Dinamo e Zagrebit. Por, vija defensive, ndonëse goxha e ulët, ishte në nivel. Ishin të shkëlqyeshëm në pjesën e parë.

ORARI I NDESHJEVE dhe TABELA

Megjithatë, me të nisur pjesa e dytë e lojës filluan të binin një nga një treshja e mbetur. Aliti ishte i pari që nisi të mbetej i shtrirë disa herë radhazi, pastaj Paqarada i cili pati pjesën më të mirë në karrierën e tij për Kosovën nisi të dështojë në anën e majtë, dhe krejt në fund edhe Vojvoda i cili ishte ndër më të mirët në pjesën e parë shfaqi shenja lodhjeje.

Edon Zhegrova

Më i miri në pjesën e parë qe Kryeziu. Ishte i vetmi i cili merrte guximin të lëvizte topin në të gjitha drejtimet, sidomos me pasimet e gjata të cilat mungonin. Kjo nisi pas çerek ore lojë me të parë hapësirën e cila lejohej, falë vijës së lartë të sulmit të vendasve, të cilët çuditërisht nuk bënin presion mbi dyshen e mesfushorëve qendror. Megjithëkëtë, Shala pati nja dy ndërhyrje goxha të rrezikshme në pjesën e parë. Pos kësaj, nuk ishte mjaft i përqendruar edhe me lëvizjen e topit.

Azerbaijan vs Kosovo

Problemi tek ekipi ishte ndërlidhja ndërmjet vijave të ekipit. Kemi shumë raste kur Zhegrova mbetej i mbyllur me deri gjashtë lojtarë vendas, dhe nuk kishte askënd afër për të kërkuar topin. Në raste të rralla Vojvoda depërtonte nga e majta, por për shkak të mbrojtjes së rezultatit, vija defensive qëndronte në takt, bashkë me qendrorët.

ORARI I NDESHJEVE dhe TABELA

Celina mund të dukej si lojtari më ‘i fjetur’ por ishte pika kryesore në zhvillimin e aksioneve dhe lirimin e krahëve. Njëjtë funksiononte edhe Muriqi detyra e të cilit ishte më shumë të kthente topat e lartë mbrapa se sa të provonte golin.

Mergim Vojvoda

Depërtimet e Zenelit ishin të shkëlqyeshme, por prekja e fundit mungonte. Zhegrova për moshën dhe përvojën që ka, nuk ka mundur të bënte më tepër në anën tjetër. Celina po përshtatet shkëlqyeshëm me pozitën të cilën këtë sezon po luan tek Swansea. Në tetor pres edhe më shumë nga ai në këtë pozitë.

Kosovo hymn

Inkuadrimi i Rashicës ishte me mend. Për dallim prej ndeshjeve tjera, Rashica nuk përtonte të kthehej edhe në ndihmë mbrojtjes. Kjo dëshmon për pjekurinë e tij me kalimin në Gjermani. Avdijaj nuk qe shumë i dukshëm në terren, por kujtojmë që luajti të njëjtën pozitë me Celinën, goxha mirë të mbuluar nga vendasit dhe në hijen e Muriqit. Edhe më shumë më pëlqeu inkuadrimi i Vocës i cili po kalon një sezon të shkëlqyeshëm në ligën zvicerane.

Azerbaijan vs Kosovo

Në fund mund të na vije keq për shanset e humbura, por jemi mirë duke ecur. Sidomos në mbrojtje kemi përparuar. Në pjesën ofensive mbështetemi tek individualizmi kryesisht, por ka pasur aksione goxha mira të ndërtuara.

ORARI I NDESHJEVE dhe TABELA

Është një përparim i konsiderueshëm në krahasim me ndeshjen me Finlandën. Vetëm shpresojmë që ndeshjet vijuese të jenë shumë më të mira se sa pas Finlandës. Nuk është i pamundur inkuadrimi në Ligën C!

KUJDES me Ishujt Faro!

RAJON

Sejdini premton shpërblime për futbollistët

Foto: SportMedia.mk

25 March, 2019 @12:15

Kryetari i ri i Federatës së Maqedonisë, Muamed Sejdini, pas rezultateve të mira të reprezentacionit në dy përballjet e para…

MINUTAT E KOSOVËS NË STATISTIKA

Të pazëvendësueshmit e Challandesit

TOPSPORTI/ A. P.

18 March, 2019 @23:44

Selektori zviceran i Kosovës, Bernard Challandes, në ndeshjet zyrtare të Kosovës në kuadër të Ligës së Kombeve maksimalisht ka shfrytëzuar…

UEFA NATIONS LEAGUE

Liga e Kombeve, në shitje biletat e finaleve

30 January, 2019 @14:46

Kanë dalë në shitje biletat për fazën finale të Ligës së Kombeve. Faza finale e më të mirëve të Ligës…

PËRMBLEDHJE

Kosova në 2018!

1 January, 2019 @18:15

Si zakonisht, TopSporti.com edhe këtë herë ka përmbledhur ngjarjet më të rëndësishme sportive të vitit. KOSOVA NË 2016

MEDIA TALK

De Biasi synim i ekipit që u mposht nga Kosova

TOPSPORTI/ Arkiv

10 December, 2018 @14:44

Ish trajneri i kombëtares shqiptare, Gianni De Biasi, pas aventurës jo të lavdishme te Alaves aktualisht është i pa punë.…

Të gjitha lajmet nga Liga e Kombeve