Pirlo: Messi mbetet prapa Maradonës

Legjenda italiane e futbollit, Andrea Pirlo, ka folur për krahasimin mes Messit dhe Maradonës kur jemi pak ditë para Botërorit të Rusisë.

“Messi duhet ta fitojë Botërorin që të ngjitet në vendin e parë. Momentalisht ai mbetet prapa Maradonës pikërisht për këtë arsye.

Mendoj se Argjentina ka lojtarë mjaft të mirë dhe ata mund të kalojnë një Botëror shumë të mirë dhe të suksesshëm.” - u shpreh Pirlo.

Në vazhdim të intervistës së publikuar nga Goal.com, ish-mesfushori italian, kampion i Botës me Italinë në vitin 2006, tha që nuk do ta përkrahë asnjë përfaqësuese në Botëror për shkak të mungesës së Italisë, mirëpo me kënaqësi do ta përcjellë turneun.