Pjaca përshëndetet nga Dinamoja
18 July, 2016 @9:18
Përshëndetja e djeshme e sulmuesit kroat nga tifozët e ekipit dhe shkrimi i tij në Facebook, kanë bërë që mediat italiane të sigurohen se Marko Pjaca është lojtar i ri i Juventusit.
“Kanë mbetur edhe 48 orë për tu kompletuar lëvizja e tij te Juventusi, pasi që ai përfundimisht u përshëndet me Dinamon,” ka shkruar Foot Italia.
Sipas agjentit të Pjacës, ky do të kalojë për 25 milionë euro te bianconerët, ndërsa ai luajti lojën e fundit ndaj rivalit lokal Lokomotiva, ku fituan 3-1.
Javë më parë, për Pjacën kishte shfaqur interesim edhe Milani, por si duket nuk kanë qenë shumë konkret, pasi që të gjitha letrat duken në dorë të Juventusit.
