MUNGESA
Podolski mungon ndaj Algjerisë
29 June, 2014 @1:32
Lukas Podolski, sulmuesi majtak i Gjermanisë, do të mungojë në ndeshjen e së tetës së finales së Kupës së Botës që vendi i tij e luan ndaj Algjerisë të hënën.
Lojtari i Arsenalit ka pësuar tërheqje të muskulit në ndeshje ndaj SHBA-së, që Gjermania e fitoi 1-0 dhe trajneri i reprezentacionit, Joachim Low ka bërë të ditur se ai nuk do të jetë i gatshëm për përballjen me ekipin afrikan.
“Podolski do të mungojë në ndeshjen e radhës. Ai e ka muskulin e lënduar dhe do t’i duhen 3 ditë pushim për tu kthyer në ekip,” ka thënë Low, transmetojnë mediat e huaja.
Gjermania llogaritet favorite absolute në ndeshje me Algjerinë dhe pritet të kalojë lehtë në çerekfinale pas performanace të treguara në Grupin G të Botërorit.
