MIQËSORE: GJERMANI - ANGLI
Podolski përshëndetet me supergol, Gjermania fiton
22 March, 2017 @22:44
Pavarësisht faktit që Anglia u tregua skuadër më e mirë pothuajse gjatë gjithë ndeshjes dhe pati më shumë raste konkrete për shënim, fitorja në miqësoren e zhvilluar sonte në ‘Signal Iduna Park’ i takoi gjermanëve, me golin e fitores që u shënua në minutën e 69’ të takimit.
Ishte Lukas Podolski, i cili e shënoi një supergol nga distanca në ndeshjen e tij përshëndetëse me Kombëtaren Gjermane, ai që i dha fitoren gjermanëve dhe i mundësoi vetes një lamtumirë shumë të bukur, me tifozët gjermanë që e duartrokitën si golin, ashtu edhe largimin e tij nga loja.
Ky ishte goli i tij i 49 me fanellën e Gjermanisë.
Lukas Podolski Goal HD - Germany 1-0 England 22… by dailyfootballkick
