Prishtina falenderon Feronikelin

Skuadra e Prishtinës kësaj radhe e ka falenderuar Feronikelin për dhënien e mundësisë që të stërvitet në fushën me bar sintetik në Drenas.

“Prishtina e ka vitin më të vështirë sa i përket infrastrukturës dhe moti i keq me shi që po mbizotëron e ka të pamundshme të stërvitet në Obiliq. Andaj edhe njëherë pa marrë parasysh rivalitetin e madh për titull ndërmjet dy ekipeve, Feronikeli i del në ndihmë Prishtinës duke i lëshuar fushën me bar artificial për stërvitje,” ka shkruar në sqarimin dhe më pas ka falenderuar Prishtina ekipin kampion të Kosovës, Feronikelin.

Stadiumi i qytetit të Prishtinës është në renovim e sipër, ndërsa në “Agron Rama” të Obiliqit ku po i zhvillon ndeshjet për shkak të shiut të madh, nuk ka kushte aktualisht për stërvitje në fushë.