LEICESTER CITY
“Problematiku” Mahrez mungon përsëri
8 February, 2018 @15:37
Vazhdojnë problemet e Riyad Mahrezit me skuadrën e Leicester Cityt.
Që nga 31 janari, datë në të cilën Leicesteri e ndaloi largimin e tij drejt Manchester Cityt, Mahrez nuk është paraqitur në stërvitje në shenjë revolte dhe rrjedhimisht ai nuk ka luajtur në asnjë nga ndeshjet e zhvilluara në 7 ditët e fundit.
Kjo do të vazhdojë edhe këtë fundjavë, pasi që trajneri i Leicester Cityt, Claude Puel, e konfirmoi sot që Mahrez ka vazhduar të mos paraqitet në stërvitje dhe nuk do të jetë në skuadër për ndeshjen që Leicester City e luan të shtunën në udhëtim te Manchester City.
Se deri kur do të vazhdojë sjellja e tillë e anësorit të Leicesterit, mbetet të shihet!