VLLAZNIA 0-4 RAMIZ SADIKU
Ramiz Sadiku i kthehet fitores, për mbajtjen e hapit me kreun
7 November, 2021 @19:27
Pas humbjes së regjistruar nga Ferizaji në xhiron e shkuar, skuadra e Ramiz Sadikut ka arritur të mposhtë lehtë skuadrën e Vllaznisë së Pozharanit sot, duke kapur tre pikëshin e shumë kërkuar për të mbajtur hapin me kreun e Ligës së Parë Grupi B.
Ekipi i industrialistëve nuk ka kursyer fare golat në Sadovinë, ku u luajt ndeshja, duke shënuar fitore të thellë, 0-4. Katër lojtarë të ndryshëm janë shënuar në listë të golashënuesve te verdhekaltërit.
Vllaznia 0-4 Ramiz Sadiku [Shpresim Prestreshi, Arblind Hoti, Erduan Ibrahimi, Lis Behrami].
Fitorja e shtatë e stinorit mban Ramiz Sadikun në pozitë të dytë të renditjes tabelare veç falë gol-dallimit më të mirë se Vushtrria e Arbëria, që kanë pikë të njëjta si ata.
Në anën tjetër, Vllaznia tashmë ka pësuar për herë të pestë këtë stinor dhe përkundër të gjithave duhet ende të kërkojë fitore për një gjumë të qetë dimëror në Ligë të Parë Grupi B.
