NË HOLANDË
Foto: vitesse.nl
Rashica asiston në golin e fitores
16 January, 2018 @21:46
Reprezentuesi i Kosovës, Milot Rashica, ka asistuar sonte në fitoren e Vitesses si mysafir në përballje ndaj Sparta Rotterdamit në kuadër të xhiros së XVIII të Eredivisies holandeze.
Nga krahu i djathtë, në minutën e 64-të të ndeshjes, 21 vjeçari ka gjetur në zonë mesfushorin anglez, Mason Mount, që ka prekur topin për ta çuar në rrjetën e vendasve për 0-1, që ka qenë edhe rezultati final i ndeshjes.
Me këtë fitore, Vitesse tashmë ka kapur kuotën e 27 pikëve në Eredivisie dhe gjendet në pozitën e shtatë të klasifikimit.
