Rezultatet jo të mira, trajneri jep dorëheqje

Pas humbjes së fundit nga Vitia në kuadër të xhiros së nëntë të kampionatit të Ligës së Parë të Grupit B, Fushë Kosova ka mbetur pa trajnerin e deritashëm të saj.

Zylkifli Obërtnica ka dhënë dorëheqje sonte nga posti i trajnerit të pampurëve, pasi që ekipi përfundoi pjesën e parë të kampionatit me dy fitore, dy barazime e pesë humbje, duke qenë në pozitën e tetë, nga dhjetë skuadra sa numëron grupi.

“Pas shqyrtimit të kërkesës për dorëheqje, kryesia e klubit ka aprovuar kërkesën e trajnerit Obërtinca. Jemi mirënjohës ndaj tij dhe punën e mirë të bërë. I falenderojmë për bashkëpunim, i urojmë shëndet e suksese,” ka shkruar KF Fushë Kosova në njoftimin e saj për largimin e trajnerit.