Rikthehet Kroos, mungon Mendy

Real Madrid u stërvitet sot në Valdebebas, para ndeshjes që zhvillohet nesër (21:00) kundër Chelsea.

E vetmja risi e Zizous, është rikthimi i Kroos.

Ferland Mendy, nuk arrin të rikuperohet as kundër anglezëve. Francezi është padyshim një mungesë e madhe për trajnerin duke qenë se ish-lojtari i Lyon ka qenë prej kohësh i padiskutueshëm.

Lojtarët që nuk morën pjesë në seancën e sotme ishin: Ramos i lënduar dhe pozitiv me covid, Valverde pozitiv me covid dhe Mendy i lënduar.

Në seancë nuk ka munguar Hazard, i cili tashmë u rishfaq në ndeshjen e fundit të kampionatit dhe Carvajal, i rikuperuar gjithashtu ishte titullar në ndeshjen e fundit.