TULIPANËT
Hakmarrje me kamatë 4 vjeçare
13 June, 2014 @22:02
Holanda është hakmarrë nga Spanja me kamatë për finalen e humbur 4 vite më parë. Tulipanët kanë shkatërruar Kampionen në fuqi të Botës në ndeshjen e parë të Grupit B.
Arjen Robben, Stefan de Vrij dhe Robin Van Persie kanë shënuar në pjesë të dytë, për t’ia dhënë goditjen vdekjeprurëse sonte Furisë së Kuqe.
Holanda është treguar superiore karshi Spanjës në pjesën e dytë, për të befasuar totalisht Kampionin Botëror. E Robin Van Persie është treguar kapiten i vërtetë, duke udhëhequr ekipin drejt fitores së madhe. Derisa Arjen Robben ka tërhequr zvarrë mbrojtjen spanjolle për të shënuar golat e tij.
Spanja morri epërsinë në fillim. Diego Costa nxorri penalltinë të cilën e konkretizoi Xabi Alonso. Mirëpo, Robin Van Persie, ashtu si nofka e tij, Holandezi Fluturues, shënoi një gol, fluturimthi në fund të pjesës së parë, për të kryer pjesën 1-1.
Holanda merr tre pikët e para dhe me këtë lojë ka vënë kandidaturën për titullin e parë Botëror.
FAKT:
| Disfata e Spanjës është më e thellë e një kampioni botëror në fuqi; |
