Sa e madhe është Kosova?!

Mbi 10 mijë kilometër katror, mirëpo tash me demarkacion, Mitrovicë, e të tjera, shifra e saktë është e kontestueshme! Kjo përgjigje mund të ju kryej punë në orët e gjeografisë. Këtu kemi të bëjmë me sport. Më gjegjësisht me kombëtaren, përfaqësuesen e Kosovës në futboll! (tingëllon loqkë kur e them kështu! Më në fund!!!!)

ARSYETIMET

Arsyetimi i Granitit është me vend. Arsyetimi që nuk mund të luaj për Kosovën pasi që ka luajtur për një kombëtare tjetër në momentin kur Kosova ka qenë vend i pranuar në UEFA e FIFA! Pra, FIFA mund të arsyetohet për mos-aplikim në kohë të Granitit, Graniti mund të arsyetohet se askush nuk e ka njoftuar me kohë, FFK mund të arsyetohet që nuk ka qenë e njoftuar se kjo aplikimi duhej të përgatitet shumë kohë para ndeshjes së parë të kombëtares.

Të gjithë mund të arsyetohen, por edhe të gjithë janë fajtorë deri në një masë! FFK është dashur të nis mobilizimin e aplikimet në FIFA me kohë, e jo të pres dy-tri javë para ndeshjes së parë! Graniti në këtë rast ka pasur një verë të ngarkuar, dhe mund të ketë lënë në plan të dytë këtë gjë, e FIFA , si FIFA më. E njëjta organizatë kriminele, veç që emrat kanë ndryshuar!

ORARI DHE TABELAT

Sidoqoftë, është koha të mbyllim këtë mesele! Është koha ti lëmë rehat Granitin, Valonin, Xherdanin, Taulantin, Ermirin, e krejt të tjerët!

SHKOJMË PËRPARA

E vërtetë që Kosova nuk ka bërë asgjë për ta! Zvicra i ka bërë futbollist e gjëra të tjera! Megjithatë ne, ndoshta padrejtësisht, kemi shpresuar që do t’i kemi më të mirët në ndeshjen e parë në gara ndërkombëtare! Nuk na kanë premtuar asgjë, kështu që neve si fansa nuk na kanë borxh! E pranojmë fajin, cilido që është! Me këtë edhe duhet të pranojmë realitetin! Ata nuk do të vijnë! Do të gjejnë arsye, të besueshme dhe të vërteta. Faj kanë të gjithë, e më së shumti ne si fansa që kemi besuar se do t’i kemi. Megjithatë është koha të ecim para!

Ndeshja e parë është historike, dhe rezultati sportiv mbetet në plan të dytë, por vetëm për këtë ndeshje! Duhet të punojmë. Me angazhimin e moshave të reja në garat ndërkombëtare, të ekipeve, me shpërthimin e barrierave, adaptimit, do të vjen edhe zhvillimi i futbollistëve tanë.

Në kombëtare kemi talente që po ecin nëpër Evropë të cilët kanë arritur aty nga arat e improvizuara në fusha. Me zhvillimin e kushteve, me kalimin e kohës do të kemi edhe më shumë talente. Jemi një popull që e do futbollin me zemër. Shto talentin dhe angazhimin, dhe do të kemi dita ditës më shumë yje.

EMRA KA PASË DHE DO TË KETË

Ka qenë Fadil Vokrri, Xhevdet Prekazi, Ardian Kozniku, Kujtim Shala, Besnik Hasi, Lorik Cana. Të gjithë kanë lënë shenja në historinë e futbollit tonë. Tani është radha e Samir Ujkanit, Fanol Përdedajt, Amir Rrahmanit, Valon Berishës, Bersant Celinës, Herolind Shalës, Alban Mehës, Milot Rashicës, Sinan Bytyqit, Vedat Muriqit, e djemve tjerë të shkruajnë faqet e reja të historisë.

ORARI DHE TABELAT

Këta janë më të mirët! Janë më të mirët që na duan dhe janë të gatshëm të veshën verdhekaltër. Nuk do të na dërgojnë në Rusi, apo nëpër Evropë pas katër viteve. Do të nevojitet kohë, por kemi pritur. Do të presim! Por, jo më të huajt!

Kosova ka qenë e madhe me futbollistë. E madhe është, e madhe do të jetë!