Salah e Firmino, rrënojnë Cityn

Trajneri i Manchester Cityt, Pep Guardiola, u dërgua në tribuna pas ankesave ndaj referit, ndërsa Liverpool përmbysi shpresat në Etihad, për të fituar ndeshjen 1-2.

Pasi që Gabriel Jesus i dha epërsinë Cityt në pjesë të parë, e loja e mirë e tyre ipte shpresa për një rikthim pas disfatës 3-0 nga ndeshja e parë në Anfield, Guardiola shpërtheu edhe me një reagim kur iu anulua goli i Leroy Sanes para pushimit, që dukej se ishte ofsajd.

E në pjesë të dytë dolën në skenë yjet e Liverpoolit, që këndellën ekipin dhe shuan shpresat e citizenëve. Mohamed Salah dhe Roberto Firmino me golat e tyre kryen shpresat e Cityt, ndërsa kualifikuan ekipin me rezultat të përgjithshëm nga dy ndeshjet, 5-1.

Kjo është gjysmëfinalja e parë për Liverpoolin që prej vitit 2008 në Ligë të Kampionëve.