Sejdiu largohet nga Trepça ‘89

Trajneri i mirënjohur, Gani Sejdiu, ka dhënë dorëheqje nga posti i trajnerit të Trepçës 89 pas humbjes së fundit të pësuar nga Hysi 2-0 në Merdarë. 

Humbja nga Hysi ka qenë tejet e rëndë për trajnerin Sejdiu i cili përjetoi humbjen e dytë në tre xhirot e fundit të Superligës, pas nisjes madhore, kur kishin mposhtur Ferronikelin 0-4 si mysafir. 

Kështu, pas pesë xhirove edhe trajneri i dytë largohet nga klubi i tij në Superligën e Kosovës. Më parë, Rafet Prekazi kishte dhënë dorëheqje nga Trepça. 

Në vend të Sejdiut, pritet të vijë Arsim Abazi ose Ramiz Krasniqi, përkundër se nuk përjashtohet mundësia për një trajner tjetër.