Shaqiri shënon, Bayern barazon

Përkundër nisjes së mirë të Bayernit në ndeshje ndaj Freiburgut dhe golit të Xherdan  Shaqirit në minutën e 33-të të ndeshjes, pas asistimit të Thomas Mullerit, në fund bavarezët është dashur të kënaqen me barazim. 

Ky ka qenë barazimi i parë i ekipit të Pep Guardiolës këtë stinor në Bundesligë, të cilët çuan poshtë trepikëshin dhe arritën të marrin vetëm një pikë në mysafirllëkun e sotshëm në Freiburg. 

Goli i barazimit për Freiburgun erdhi në minutën e 86-të të ndeshjes kur Nicolas Hofler shënoi për t’ia nxjerrë pikën e rëndësishme ekipit të tij. 

Shqiptari i Freiburgut, Admir Mehmedi, nuk kishte të drejtë loje sot për shkak të kartonit të kuq që e morri në xhiron e fundit. 

Guardiola në këtë ndeshje pushoi Mario Mandzukicin, Franck Riberyn, Arjen Robbenin, Jerome Boategun si dhe David Alaban për ndeshjen e Superkupës europiane ndaj Chelseat të premten. Në 5 minutat e fundit përkundër inkuadrimit të Ribery, Lahm dhe Mandzukic - asgjë nuk ndryshoi në rezultat. 

Shaqiri përndryshe, shënoi golin e parë në Bundesligë këtë stinor, sot. 

Tabela aktuale e Bundesligës.