Shkëndija mposhtet në çastet e fundit

Në ndeshjen e parë të fazës së fundit të play-offit që dërgon në fazën grupore të Europa Leagues, Shkëndija është mposhtur me rezultat 2-1 nga skuadra e Gentit në Belgjikë, me golin që u pranua në çastet e fundit të takimit.

Ndeshja u mbyll me rezultatin 2-1 dhe në ndeshjen e kthimit që zhvillohet javën e ardhshme në Maqedoni, Shkëndijës për kualifikim i duhet detyrimisht fitorja.

Tetovarët kaluan në epërsi që në minutën e 9’ me golin e Ibraimit, ndërsa belgët barazuan në fundin e pjesës së parë. Kur u mendua se ndeshja do të mbyllej me barazim, që do të ishte rezultat fantastik për Shkëndijën, belgët e gjetën golin e epërsisë, gol i cili mund të jetë vendimtar në rezultatin e përgjithshëm pas dy ndeshjeve.

Gjithsesi, asgjë nuk ka përfunduar dhe gjasat e Shkëndijes për plasman në fazën grupore janë ende reale.