Shpërthen Eden Hazard, Belgjika në çerekfinale

Edhe pse e filluan me humbje ndaj Italisë kampionatin evropian, Belgjika e Marc Wilmots dalëngadalë po e gjen veten dhe përmirësimi është i dukshëm në të trija ndeshjet e zhvilluara pas asaj me Italinë.

Në ndeshjen e zhvilluar sonte ndaj Hungarisë në të tetën e finaleve, belgët e deklasuan me “poker” golash përfaqësuesen hungareze, duke dëshmuar edhe një herë se janë një nga skuadrat më sulmuese të kampionatit.

Epërsia e belgëve erdhi në minutën e 10’ përmes mbrojtësit Alderweireld, ndërsa golat e tjerë u shënuan nga Batshuayi, Hazard dhe Carrasco. Më i dalluari në këtë takim për belgët ishte padyshim Eden Hazard, i cili përveç golit dhuroi edhe një asistim tek goli i dytë dhe ishte vazhdimisht rrezik konstant për mbrojtjen hungareze.

Në çerekfinale, Belgjika luan ndaj Uellsit e më pas fituesi i tyre pret në gjysmëfinale fituesin e takimit mes Polonisë e Portugalisë.

EURO2016 SKEMA