Shpjegon atletet e reja

Mesfushori i reprezentacionit të Zvicrës, Granit Xhaka, ka lansuar sot atletet e reja të tij, ndërsa aty janë vërejtur mbishkrime dhe ngjyra të ndryshme, për të cilët ai ka dhënë shpjegime.

“Kurora me G. diamant dhe L tregojnë dashurinë ndaj të fejuarës sime. Ngjyra pembe simbolizon tërë familjen time. U kam borxh gjithçka atyre. Bob 92 është shoku im më i mirë dhe është si familje për mua. Agoni është kushëri imi që më përkrah kurdo që mundet dhe e kam model,” ka shkruar Xhaka në Facebook sot.

Xhaka është duke kaluar Kampionat Europian të shkëlqyeshëm me Zvicrën. Ai dy herë u zgjodh lojtari më i mirë i ndeshjes, nga 3 takimet e zviceranëve. Zvicra ka siguruar të tetën e finales duke u kualifikuar si vendi i dytë në Grupin A.