Shtyhet debutimi i Edon Zhegrovës

Pas transferimit të tij nga Genku te Baseli, për herë të parë në bankën rezervë për skuadrën zvicrane sot ishte Edon Zhegrova.

Mirëpo debutimi i tij nuk ndodhi sot. Zhegrova qëndroi në bankën rezervë përgjatë gjithë ndeshjes dhe nuk u inkuadrua nga lojë nga trajneri Koller, e cili ‘e shtyu’ debutimin e talentit nga Kosova.

Ndeshjen e ardhshme Baseli e zhvillon pas 6 ditëve si mysafir i Xamaxit, takim në të cilin Zhegrova mund ta bëjë debutimin e tij.

Sa i përket ndeshjes së sotme, për Baselin startues ishte Taulant Xhaka, derisa me Zhegrovën në bankën rezervë ishte Albian Ajeti. Te kundërshtari i Baselit, Sioni, startues ishin Pajtim Kasami, Ermir Lenjani, Burim Kukeli dhe Bastien Toma, të cilët sot u mposhtën nga vendasit e Baselit me rezultat 1-0.