FAZA STËRVITORE PARA PJESËS SË DYTË
Skënderbeu përgatitet në Spanjë
3 January, 2016 @16:36
Skuadra e Skënderbeut ka bërë të ditur agjendën e saj të fazës përgatitore për pjesën e dytë të kampionatit.
Ekipi korçar, sikurse edhe vitin e kaluar, ka zgjedhur Spanjën, për ta kaluar fazën përgatitore jashtë vendit.
Për dy javë sa do të qëndrojnë atje, korçarët kanë paraparë që t’i zhvillojnë pesë miqësore, ku do të përballen me skuadra të njohura europiane.
Ndeshja e parë miqësore do të luhet më 7 janar kundër skuadrës Mechelen, që garon në elitën e kampionatit belg, ndërsa si rivalë më të njohur të Skënderbeut janë kampioni i shumëfishtë ukrainas, Dinamo Kiev, dhe skuadrat gjermane Greuther Furth e Stuttgart, megjithëse kjo e fundit do të paraqitet me ekipin e dytë.
Miqësoret e Skënderbeut
1 | 07 janar | Skënderbeu – Mechelen (Belgjikë) | ||
2 | 09 janar | Skënderbeu – SC Preußen Münster (Gjermani) | ||
3 | 13 janar | Skënderbeu – VFB Stuttgart II (Gjermani) | ||
4 | 17 janar | Skënderbeu – Dinamo Kiev (Ukrainë) | ||
5 | 19 janar | Skënderbeu – Greuther Furth (Gjermani) |