Sneijder, nuk shkon askund

Përkundër përfoljeve të mëdha se do t’i mund t’i bashkohet Juventusit, Wesley Sneijder, si duket do të qëndrojë në Galatasaray. 

Kështu së paku ka thënë zëvendës kryetari i klubit verdhekuq nga Stambolli, Abdurrahim Albayrak. 

Duke folur për kanalin televiziv sportiv turk, NTV Spor, Albayrak ka theksuar se mesfushori holandez është i lumtur në Stamboll dhe nuk do të shkojë askund. 

“Sneijder është lojtar i jonë. Ai është i lumtur këtu. Ai do të qëndrojë këtu edhe në pjesën tjetër të stinorit. Lojtari nuk është në shitje dhe nëse dikush do të dëshirojë ta ketë atë, do të duhet të paguajë 20 milionë euro, sa shkruan në marrëveshjen për shkëputje të parakohshme të kontratës,” ka theksuar nënkryetari i Galatasarayit, transmeton ky televizion. 

Juventus dëshironte të merrte Xherdan Shaqirin nga Bayerni, mirëpo për shkak të çmimit të shtrenjtë, ata kthyen radarin kah Sneijderi, për të cilin menduan se do ta merrnin për një çmim më të lirë.