Spurs perfekt, shton presionin ndaj Mourinhos

Tre gola të shënuara në pjesë të dytë dhe fitorja e parë e Tottenhamit pas vitit 2014 në Old Trafford në Premier League ndaj Manchester Unitedit, ka shtuar presionin ndaj Djajve të Kuq dhe Jose Mourinhos.

Së pari Harry Kane, pastaj çiftgolësh i Lucas Mouras i kanë dhënë fund shpresave të Unitedit për ndonjë rezultat të mirë në derbin e xhiros ndaj Spursit në Old Trafford.

Jose Mourinho edhe pse hyri me gjashtë lojtarë të ndryshëm në këtë ndeshje në 11-she të parë, pas humbjes nga Brightonit, në fund tregimi ishte i njejtë - humbje.

TABELA AKTUALE E PREMIER LEAGUES

Super rasti i Romelu Lukakut në pjesë të parë të ndeshjes që shkoi kot, bëri që më pas gjithçka të kthehet në të keqe për Unitedin, që tash pas tre xhirove të para në Premier League ka dy humbje.

Përndryshe, Tottenham vazhdon perfeksionin në Premier League bashkë me Liverpoolin, Chelsean dhe Watfordin, që kanë nga 3 fitore në 3 ndeshjet e para.